النزالة
المدينة البرمجية الشاملة :: الــقسم الــتــرفـيهي الـمنوع ويتضمن عالـم الاسرة والطـفـل :: قســم القصص القصيره والروايات
صفحة 1 من اصل 1
النزالة
بريفيسللي ( اللي هي بالانجليزي = فيما سبق )
أو .. في الحقلة السابقة ...
طبقي المفضل ,, مع شوية بهارات ونذالة .. جزء 3 .. ( أ )
ماد : بالله عليك يا غوران ما هي من كتابكم للطبيخ ؟؟
غوران : اااه ليش بتسأل ؟؟
ماد : توكلنا على الله ...
وصفة المفتووول ..
اولا : المكونات ..
- احضر سلة .. ضع فيها اربع تسعات .. ضع صحفا منحلة .. ضع مذياعا ضع بوقا .. ضــ ..
( يخرب بيتك يا غوران .. ولك هاي قصيدة احمد مطر )
- 2 كغم سميد ( اكل العجلات .. )
- 2 كغم حمص حب
- 2 لتر مي ما حبش
- 2 كيس طحين مغلف .. واذا ما كان مغلف خليها 1 كغم ( )
- 2 صنية .. دبسية .. سدر .. حديدة مفلطحة ( جميع الحلول موجودة .. لا داعي للتفكير )
- 2 كغم بندورة طحن .. واذا ما لقيت .. خليها 10 بكيتات بندورة سائلة ..
واذا خلص من السوق .. جيب 15 زر بندورة فعص وذ اوت القشرة ( بنستخدم شامبو راس وكتاف )
- 2 لتر زيت سمسم .. او زيت دوار الشمس ( مو غلط )
- 2 طن فلفل 2 طن ملح ( شو القصد ؟؟ .. طن (سمك ) ولا طن = 1000 كغم ؟؟ .. رح نفترض الغرام )
- 2 كغم خبز ... كالعادة
- ملاحظة .. المقادير مقيمة على شخصين .. !!
تحتح : حد فهم اشي
غوران : كُل هالاوبشن اللي في المكونات ومش فاهم اشي !!
بدرو : ويا ترى شو تعريفك بالاوبشن سيد غوران :
ماد : خليه يذوقوا بالاول بعدين خذ رأيه .. اوبشن اللي ينطحك انت وياه !!
اديم : قال اوبشن .. اذا سيارة اللادا باعوها بالحسبة فرط !!
برداح :
غوران : بغض النظر .. قصدي انه الوصفة ما فيها مشاكل ، وبالله عليك لا تذكرني بهظاك اليوم
ماد : فكونا منكو .. الوصفة مو مشكلة .. اقلب الصفحة لنشوف طريقة الاعداد ..
غوران : مافي صفحة ورا .. هاي مكتوبة على الجلدة !!
اديم : شو يعني ...؟؟ راح تعبنا ع الفاضي !!
غوران بس انا حافظ الطريقة .. لاني طبختها من فترة
ماد : هات يافتح .. قووول
غوران وهو عم بكتب طريقة الاعداد ...
1- اغلي السميد بمي سخنة لمدة ساعة كاملة
2- كور بالسميد على 9ـد ايدك وفتفتهم لكرات صغيرة .. زي الـ9ـلول لمدة ساعة ايضا !!
3- اغلي الحمص بمي سخنة لمدة ساعة برضو
4- ارمي الحمص بعد الغلي مع السميد بعد التكوير
5- اغلي الطحين بالمي لمدة ساعة جديدة
6- ارمي فوقيهم كيس الطحين وفرتكهم ببعض لمدة ساعة
7- حطهم بطنجرة 9ــد راسك
ماد : لحظة حبيبي ,, خليك معي شوي
غوران : وين رايح !!
اديم : صبرك عليه شوي
بدرو : شو قصة الطنجرة اللي 9ــد راسك ؟؟
غوران : هاظ معيار أُسري للعلية .. عشان ما انسى
تحتح : أُسرك !!!
اديم : هي ماد اجى .. ولك لشو الشبشب ؟؟!!
وبلشت الطوشة ....
ماد : والله لالعن مخك هاظ اللي شبه القرد المنتوف نتيجة دعسه على سلك عريان !!
غوران : شو عملت ؟؟
بدرو : هدي يا مصدي ..ايش فيي ؟؟
ماد : جايبيني شحططة .. عشان بالاخر نوخد طريقة الاعداد من هاللوح !!
اديم : ولك اهدى شوي .. بكفيك طرقعة ع راسه .. صلع المسكين !! شو مالك !!
ماد : ولك يا لوح منك الو .. كل اشي لمدة ساعة .. انا فاضيلك يا معفن .. ولا بدك تبيتني لثاني
يوم بالمطبخ !!
تحتح : والله فكرتوا عصب من شغلة " اغسل الطحين " .. طلع معترض ع الوقت !!
ماد : ليش هو ما بنغسل !! ... بنحط بغبرته هيك عادي ؟؟!!
غوران : مهو مغلف !!
برداح : بدون طوابع
بدرو : فكرك بوصل ؟؟
غوران : ليش شو بده كمان ؟
ماد : بدو 2 لتر دم صافي من رقبتك يغلى لمدة ساعة بعد عملية الشفط اللي
بتستغرق ساعة !!
اديم : خلصونا عاد منك اله !! اهدى يا ماد .. خليه يكتب واحنا بنختار الصح !!
ماد : هيه حصة املاء باقية !!
غوران : والله لاقول لابوي !!
ماد : الي زيك اكيد ابوه انجلط زمان .. واذا ما انجلط بكوون زيك معناته !!
تحتح : لا يا ماد ... انت بتغلط هيك .. ما بصير تجيب يسرة الاب حتى لو كان متخلف !!
غوران : تسلم يا تحتح ..
بدرو : طيب واذا كان غبي ؟ وابنه اغبى !!
تحتح : بكون انا غلطت في ماد !!
غوران :
اديم :
برداح : خلص وله منك اله ... زهـ9ـتوني .. كل واحد مكانه اشوووف .. ويلا ماد كمل انت وغوران
بالطريقة .. سوا سوا وبدون مشاكل
ماد : امري لله .
غوران : يا ظلمة !! اكتب عندك ...
8- افتح علب رب البندورة ، اغسلها جيدا ثم اغليها لمدة ساعة كـــ .....
ماد : علي وعلى اعدائي $!@$!@$!$@$!#%!#%!
( بلش الظرب والطحن واشترك الجميع بالمهرجان ,, والنتائج اجت مخبية للامال بالنسبة الي ،
حيث قام الفزيعة بعمله باكمل وجه قبل ان استطيع ان ارمي يمين الطلـ .. عفوا اقدر اخز9 عينه
الثانية ... فشلت الخطة )
برداح : ولك مالك انجنيت مااااد !!!
ماد : استناني بالترويحة وله .. لافزر خشومك شلاليط ( على قولة الزيناتي-نور شمس )
اديم : بالله عليك يا ماد .. والله جُعت
ماد : وانا كمان ...
بدرو : حتى لو شو ما عملت يا ماد .. كاشف خطتك .. ما في توكل معنا .
ماد : هو انا مش رح اوكل بشكل فعلي .. بس بطريقة غير مباشرة !
تحتح : كيف ؟؟
ماد : بس اخلص طبيخ .. الكل رح يوكل بما فيهم غوران .. وبس يشبع .. رح اشرب من دمه !!
وهيك اللي استفادوا بالاكل .. رح يصير بطني !!!
غوران : بديش اوكل لعاد !! وبديش اساعدك بالوصفة !! وبديش احكي لحد ما تخلصوو !!
بدرو : بيني وبينك ... اريح
برداح : انطم منك اله .. والله بعملها عليكم
ماد : الحمام من هوون ..
بدرو :
برداح : مو قصدي هاي .. قصدي بعملها حرب عالمية جديدة اذا ما خلصته الاكل بظرف
ساعة وحدة بس !!!
يتبع ... في الجزء الاخير
مدريدي- عضوا مميز
- عدد المساهمات : 70
نقاط : 276107
الاعضاء المميزون : 0
تاريخ التسجيل : 31/03/2009
المدينة البرمجية الشاملة :: الــقسم الــتــرفـيهي الـمنوع ويتضمن عالـم الاسرة والطـفـل :: قســم القصص القصيره والروايات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى